عدد الضغطات : 1,493

انت الآن تتصفح سحاب الخير

طيرٍ غدى ياليتنا مالقيناه....... ديوان احمد العريفي ( نديم المجره )
إضافة رد
 
أدوات الموضوع انواع عرض الموضوع
قديم 23-03-15, 02:04 PM   المشاركة رقم: 1
الكاتب
نديم المجره
 
شــاعــر
الإتصال نديم المجره غير متواجد حالياً
المعلومات  
التسجيل: Jul 2011
العضوية: 8981
المشاركات: 389
بمعدل : 0.17 يوميا
معدل تقييم المستوى: 27
نقاط التقييم: 204
 
نديم المجره has a spectacular aura aboutنديم المجره has a spectacular aura aboutنديم المجره has a spectacular aura about

 
 

السلام عليكم ورحمة الله وبركاته

في يوم السبت الموافق 1436/5/16 كان العميد خالد محمد الهملان الحربي يقوم بتدريب طيره الذي اسماه (ذياب) في مخيم استراحتنا الواقعه على مدخل الدمام طريق الرياض وبعد ان عشاه قام بفك سبوقه. فشلع الطير واتجه الى مكان غير معلوم وكان ابو محمد رحمه الله قد وضع رقم هاتفه برجل الطير وبحث عنه في كل مكان ولم يعثر عليه
وفي عصر يوم الاثنين الموافق 1436/5/18. تلقى اتصال من احد الاشخاص يبشره بوجود الطير لديه في ديرة شفية.وتقع شفية بعد شمال عريره باكثر من 50 كم.
فرح ابومحمد بالعثور على طيره وقام باصطحاب الشاعر صادر حمود العنزي والشاعر عبدالله بن نازل المطيري. وكان التواجد في مقر المخيم حيث ترك صادر وعبدالله سياراتهم عند المخيم وذهبو مع العميد خالد بسيارته لاستلام الطير حيث طلب منا ابومحمد عبر اخر رساله صوتيه ان ننتظره بالمخيم حيث قال انه سيعود مع الطير (ان شاء الله) خلال ساعتين الى ثلاث ساعات وكنا في انتظارهم بالمخيم
وعندما تاخروا حاولنا الاتصال عليهم عدة مرات حيث كان جوالات صادر وعبدالله مقفله وجوال ابومحمد كان يرن ولا احد يجيب. وبعد الاتصال المتكرر رد احد الاشخاص وعند سؤاله اين صاحب الهاتف اجاب بانه حصل لهم حادث انقلاب بين عريعره وشفيه وانتقل الى رحمة الله خالد وصادر بينما عبدالله مصاب اصابه خطيره
صعق جميع من كان بالمخيم
وبعد انجلاء الصدمه اتفقنا على طريقة ابلاغ ذويهم باسلوب مناسب وذهبوا لاداء مهمة الابلاغ بينما بقيت في المخيم وكتبت هذه الابيات.
لذا ارجوا عدم الانتقاد لمعاني القصيده حيث خرجت في لحظة ذهول ولم اجد احد ازيح عليه العدوان سوى هذا الطائر النحس رغم ايماني بالقضاء والقدر
وبعد ذلك ارسلتها الى الشاعر احمد السراد الخثعمي والذي قام بمجاراتها وبعد ذلك انتشرت عبر وسائل التواصل الاجتماعي وقام بعض من الشعراء بمجاراتها

واليكم القصيده وقصائد المجاراة
..........
هذه قصيدتي

طيرٍ غدى ياليتنا مالقيـنـاه = ليت الهبايب ابعدن في مطيره

ليته تعدى الحد وابعد بمرماه = وعدى ورى بغداد وارض الجزيره

طير النحس حلفت انا لتوطاه = واحوس لو جا للمخيم مريره

والله ﻻنتف كل ريشٍ تعلاه = واسمل عيونه لين تصبح ضريره

وحلفت لخلي الحصاني تعشاه = واحط له عند الصقاقير سيره

مرحوم يامن باسم اذياب سماه = اذياب خلى نفوس ربعي حسيره
............................

مجاراة الشاعر/ احمد السراد الخثعمي

طيرٍ غدى من صاحبه عقب عشاه = ماهوب كيفيه. .جاه يمه نذيره

جاه النذير اللي على الحـق وداه = وداه.لارضٍ كان فيها مـصيره

كنه يقول..الموعد هناك تلقاه = وخذ صادر إبن حمود ماريد غيره

وراحو على داعي حكيم ن عبدناه = وهناك لحظات الحياة الاخيره

لا يالعريفي ... لاتزيد المعاناه = وحزنٍ سطا باقصا الحشا لاتثيره

قلبي شلع وارتاع من حر ماجاه = صادر غدى وابو محمد وطيره

..................

وهذه مجارات الشاعر اللواء / ضيف الله بن نايف الذويبي

لا لاتطير يازميلي وتشناه = الطير سبه والسبايب كثيره

لو تنتفه لو تسمله ما استعدناه = الحكم لله والليالي قصيره

ماله غريمٍ يالعريفي وننصاه = ناخذ بثاره في بواتع شطيره

الموت حق وكل نفسٍ تحراه = ولافيه شخصٍ عارفٍ وش مصيره

صادر وخالد تحت رحمتك يالله = تلطف بهم عند السؤال ونكيره

الحزن ماينفع ولو كثر ببكاه = لو سيل الوديان وايضا محيره

يالله يارب المخاليق يالله = تجعل لهم جنات عدنٍ وفيره

والصاحب اللي صار وقت المعاناه = ثالث ثلاثه من مصابه تجيره

عبدالله النازل تحرسه وتاقاه = وتقومه بالعافيه من سريره

وابشارة العجمي لها وقع ماحلاه = وقعٍ على قلبي سواة المطيره

يفرح بها المسلم ويصعد بها جاه = والله بها ياقاه لاهب سعيره

بشارة العجمي : اتصل احد الاخوان من قبيلة العجمان والذي تواجد في مكان الحادث اثناء وقوعه حيث قال انه حضر اولا عند صادر ووجده ينطق الشهاده وفاضت روحه ثم ذهب الى خالد ويقول انه رفع راسه وابتسم وفاضت روحه ( وانا والله كشفت عن وجه خالد بعد تكفينه وكان وجهه اقرب الى الضحك منه الى الابتسامه)

........................
وهذه مجاراة الشاعر/ مدلج بن عوض الشيباني

غنا العريفي واحرق القلب بغناه = زود على قلب المشقى سعيره

يشكي على فرقا خويه وينعاه = ويدعي عسى رب الخليقه يجيره

مرحوم ياللي كل من جاه يلقاه = رجل المواقف والامور الكبيره

خالد محمد جعل في عدن مثواه = يالله عسى جنات عدنٍ مصيره

اطلق سبوق ذياب لوح وعشاه = وكفخ قبل لايقضب الوكر سيره

وبدا على راس الطويله وناداه = لكن طيره مسرعٍ في مطيره

قفى وصلفات الهبايب تقفاه = كنه يقول لصاحبه ذي الاخيره

كنه يعرف ان القدر حان لقياه = والله عليم بخافيات السريره

والعبد يومن بالقدر مثل ماجاه = يرضى بقدر الله شره وخيره

يالله عسى الجنه مقره وملفاه = ياوحدٍ مانعرف اله غيره

....................
وهذه مجاراة الشاعر / عايد بن مهدي الوهبي

اليوم ثالث مونس الجمر واكناه = عيت تروح من الضلوع السعيره

جيت الثميري ثم زبنت الموساه =لا بردوا قلبي ولا اطفوا فليره

النوم عاف الرمش فاته ولا جاه = وعفت الوساده والتخوت الوثيره

يامن يرجع زحلنا واحلالاه = من هو يسوي بالنشاما بريره

ياليت ينفع في مثل غيبته جاه = وفعل السواعد والسطر والذخيره

والله ليومي كل وافي بشلفاه =من مركز العاقر لجال الزبيره

وتفزع رجالٍ بالطواريق تنعاه = وقفة وفاء جزله ولو هي قصيره

غنا بها احمد واوجع احمد وجاراه = الله من حبال الليالي يجيره

الذيب يلقا ذيب بحلاه وعواه = وراس ابن عمي بالمدايح جديره

الله كتب يومه وقدر وناداه = راح وعلى البيضاء نهاية مسيره

ربه دعاه وجل ربه تولاه = لا فعل شيهانه ولا فعل جيره

عساه بالجنه ومن كان وياه = ووجيههم من رحمة الله منيره

والله يوفقنا لخيره وتقواه = اجمل مافي بنادم بياض السريره
......................

وبعد يومين ذهبت الى المخيم وكانت سيارات صادر وعبدالله في لايزالٍ في مكانهن عندما ركبوا مع خالد بسيارته لاحضار الطير وتركوهن عند المخيم
فقلت

جيت المكان وشفتهن واقفاتي = وسفي الرمل بين التواير له اثار

وقفت اطالعهن وهن صامتاتي = صمتت يتيمٍ فارق الاهل والدار

ومن الغلا غطيتهن في عباتي = اخاف يلفح بديهن شمس وغبار

الله يتغمدهم برحمته ويشفي ثالثهم الشاعر / عبدالله بن نازل المطيري

احمد بن عبدالرحمن العريفي
(نديم المجره)



'dvS y]n dhgdjkh lhgrdkhi>>>>>>>












 

مواضيعي

عرض البوم صور نديم المجره   رد مع اقتباس
قديم 23-03-15, 02:09 PM   المشاركة رقم: 2
الكاتب
سحاب
المدير العام
( مؤسس )

ابو مشعل
الإتصال سحاب متواجد حالياً
 
الصورة الرمزية سحاب
المعلومات  
التسجيل: Sep 2009
العضوية: 3
المشاركات: 14,333
بمعدل : 4.82 يوميا
معدل تقييم المستوى: 10
نقاط التقييم: 5190
البلد : الرياض
 
سحاب has a reputation beyond reputeسحاب has a reputation beyond reputeسحاب has a reputation beyond reputeسحاب has a reputation beyond reputeسحاب has a reputation beyond reputeسحاب has a reputation beyond reputeسحاب has a reputation beyond reputeسحاب has a reputation beyond reputeسحاب has a reputation beyond reputeسحاب has a reputation beyond reputeسحاب has a reputation beyond repute

 
 

صح لسانك وعلا شانك
دائماً مميز ماشاءالله












 

مواضيعي

عرض البوم صور سحاب   رد مع اقتباس
قديم 24-03-15, 07:50 AM   المشاركة رقم: 3
الكاتب
سالم القحطاني
مشرف الصيد والرحلات البريه
الإتصال سالم القحطاني غير متواجد حالياً
المعلومات  
التسجيل: Nov 2013
العضوية: 15513
المشاركات: 933
بمعدل : 0.64 يوميا
معدل تقييم المستوى: 9
نقاط التقييم: 50
 
سالم القحطاني will become famous soon enough

 
 

صح لسانك وبارك الله فيك
والله يرحم المتوفئ












 

مواضيعي

عرض البوم صور سالم القحطاني   رد مع اقتباس
قديم 24-03-15, 10:50 AM   المشاركة رقم: 4
الكاتب
الساري
المشرف العام
( مؤسس )

الإتصال الساري متواجد حالياً
المعلومات  
التسجيل: Aug 2009
العضوية: 1
المشاركات: 23,266
بمعدل : 7.74 يوميا
معدل تقييم المستوى: 10
نقاط التقييم: 2497
البلد : الرياض / الدرعية
 
الساري has a reputation beyond reputeالساري has a reputation beyond reputeالساري has a reputation beyond reputeالساري has a reputation beyond reputeالساري has a reputation beyond reputeالساري has a reputation beyond reputeالساري has a reputation beyond reputeالساري has a reputation beyond reputeالساري has a reputation beyond reputeالساري has a reputation beyond reputeالساري has a reputation beyond repute

 
 

الله يرحمهم ويغفرلهم
والموت واحد والاسباب كثيرة
صح اللسانك والله يعطيك العافيه












 

مواضيعي

عرض البوم صور الساري   رد مع اقتباس
قديم 20-10-16, 09:24 PM   المشاركة رقم: 5
الكاتب
نواش
مشرف الشعر والقصص
شــاعــر
الإتصال نواش غير متواجد حالياً
المعلومات  
التسجيل: Oct 2010
العضوية: 4131
المشاركات: 1,214
بمعدل : 0.47 يوميا
معدل تقييم المستوى: 14
نقاط التقييم: 56
 
نواش will become famous soon enough

 
 

انا لله وانا اليه راجعون
الله يرحمهم ويسكنهم الجنة ويشفي المصاب
قصه محزنه وأبيات حزينه جدا صحت السنه الشعار
وصح لسانك يالعريفي












 

مواضيعي

عرض البوم صور نواش   رد مع اقتباس
قديم 05-11-16, 12:52 PM   المشاركة رقم: 6
الكاتب
جوهر طاهر
عضو جديد
الإتصال جوهر طاهر غير متواجد حالياً
المعلومات  
التسجيل: Oct 2016
العضوية: 17242
المشاركات: 5
بمعدل : 0.01 يوميا
معدل تقييم المستوى: 0
نقاط التقييم: 50
 
جوهر طاهر will become famous soon enough

 
 

دائما متميز في الانتقاء
سلمت على روعه طرحك
نترقب المزيد من جديدك الرائع
دمت ودام لنا روعه مواضيعك

لكـ خالص احترامي












 

مواضيعي

عرض البوم صور جوهر طاهر   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ياليتنا عقبالبطا العمده الشعر و القصص الشعبية 22 23-09-11 07:11 AM
ياليتنا من حجنا سالمين - قصة هذا المثل الساري الشعر و القصص الشعبية 8 07-11-10 07:58 PM
ياليتنا من حجنا سالمينا أبو تـركي الشعر و القصص الشعبية 6 11-08-10 03:01 AM
ياليتنا من حجنا سالمينا بدرحسين الشعر و القصص الشعبية 3 13-03-10 10:46 PM


عزيزي العضو/الزائر.. نحيطك علماً بأن مواضيع المنتدى لاتمثل رأي الإدارة وإنما تمثل رأي كاتبها.


الساعة الآن 09:55 AM


أقسام المنتدى
سحاب العامة @ البرامج العامة للحاسب والجوال @ الشعر و القصص الشعبية @ الصيد ورحلات البر ولوازمها @ التصوير والكاميرات @ الفوتوشوب والجرافكس @ القسم الاداري @ العروض التجارية والطلبات @ سلة المحذوفات @ الطقس والاحوال الجوية @ المشرفين والمراقبين @ الادارة @ العروض والطلبات التجاريه @ خااااص بالمواضيع @ الطلبات والاقتراحات @ السياحة و الرحلات @ السياحة العربية والعالمية @ السيارات و التقنية @ السيارات والورشة @ الغذاء والدواء @ خاص @ الطقس والفلك @ البيئة والحياة الفطرية @ الخرائط والطرق @ الفلك والانواء @ الشريعة الاسلامية @ عدسة الاعضاء @ المواضيع العامة والتواصل بين الاعضاء @ ديوان احمد العريفي ( نديم المجره ) @ ديوان نسيم الربيع @ الالعاب والترفيه @ مسابقات واعلانات أدارية @


Powered by vBulletin® Copyright ©2000 - 2017, Jelsoft Enterprises Ltd.
Ads Management Version 3.0.1 by Saeed Al-Atwi
جميع الحقوق محفوظة لمنتديات سحاب الخير

a.d - i.s.s.w